МУИС-ийн номын сангийн “Ховор ном, монгол бичгийн уншлагын танхимын үйл ажиллагааг 2020 оны 9 сарын 20-ны өдөр нээлтээ хийсэн юм.

Нээлтийн үйл ажиллагааны мэдээг дараах линкээр үзнэ үү https://www.montsame.mn/mn/read/239257?fbclid=IwAR1K3QRZfsEcyZS1xvPlnvYO8uZRzUmvxRj8LeuxjqKY0gyrDZ00ODsWeWI

Одоогоор уншлагын танхимд маань МУИС-ийн оюутан, багш нараас гадна УБИС, СУИС, ШУТИС, ХААИС, АШУҮИС –ийн оюутнууд үйлчлүүлэх боломжтой 10 хүний суудалтай, каталог хайх болон даалгавраа хийх боломжтой 2 компьютерээр тоноглогдсон байна.

Тус уншлагын танхимд одоогоор ховор гар бичмэл ном, сэтгүүл, анагаах ухаан, хууль, түүх, хэл шинжлэл, утга зохиол судлалын монгол бичгээр хэвлэгдсэн ном 1200 гаруй байна. Заримаас нь дурдвал, Шагж “Монгол үсгийн дүрмийн толь” 1937, Монгол Ганжуур “Хотон аймгийн ван гүнгийн илтгэл шастир” 31-р дэвтэр, Цэвээний “Гэсэрийн тууж” /1960/, “Тэнгэрийн дуу ба цахилгаан” /1931/, “Эртний монгол хэлний хэл зүйн товч” /Саранмандал, 1988/, “Гэсэрийн тууж” 9 боть, “Илийн голын урсгал дагуу оронд хадгалагдаж байгаа тод үсгийн дурсгал”- 50 боть,   “Баоань хэлний үгс” /Шиюүн.Ч/, “Дунсян хэл ба монгол хэл” /Бөх/, “Дайчин улсын магад хууль”, “Зүрхний хилэн” /Ж.Пүрэв/ зэрэг номууд байна.

Төрийн өмчийн 6 сургуулийн багш, оюутнуудын хувьд зөвхөн манай номын санд байгаа ном, сурах бичиг, эрдэм шинжилгээний бүтээлийг захиалан авч энэхүү уншлагын танхимд сууж унших боломжоор хангасан.

Уншлагын танхимын үйл ажиллагааг өргөжүүлэх зорилгоор “МУИС-ийн Ховор ном, монгол бичгийн уншлагын танхим” нэртэй пэйж хуудас нээн хөтөлж байна. https://www.facebook.com/profile.php?id=61556194367277