МУИС-ийн Номын сангийн сан хамрөгт хадгалагдаж буй доктор, магистрын судалгааны бүтээл, эрдэм шинжилгээний бичиг, ном сурах бичгийг гадаад дотоодын судлаачдад хүргэх, судалгааны эргэлтэд оруулах зорилгоор үүсгэн хөгжүүлсэн “e-library.num.edu.mn” МУИС-ийн Номын сангийн дэргэдэх бие даасан анхны цахим номын сангийн нээлт боллоо.
Нээлтийн үйл ажиллагаанд Боловсролын яамны Цахим бодлого, статистик мэдээллийн газрын дарга Т.Бат-Эрдэнэ, МУИС-ийн ректор, профессор Б.Очирхуяг, Судалгаа, хамтын ажиллагаа эрхэлсэн проректор С.Гомбобаатар болон бүрэлдэхүүн сургуулийн захирлууд, багш, оюутны төлөөлөл, их дээд сургуулийн номын сангийн удирдлагууд оролцлоо.
МУИС-ийн Номын сан зохиогч, зохиогчийн эрх эзэмшигчээс албан ёсны зөвшөөрөл авсан бүтээлээр цахим сан хөмрөгийг тогтмол баяжуулж байгаа бөгөөд ном, сурах бичиг, сэтгүүл, хэвлэлийн бүтээгдэхүүн бүр зохиогчийн эрхийн хамгаалалттай юм.
Уншигч-хэрэглэгч та бүхэн 13,000 цахим материал бүхий Номын сангийн дэргэдэх бие даасан анхны “Цахим номын сан”-тай e-library.num.edu.mn хаягаар нэвтрэн танилцах боломжтой.
