МУИС- ийн ЭЗС-ийн багш, профессор Р.Энхбатын  “Тоглоомын онол”  номын нээлт боллоо. Нээлтэнд  МУИС-ийн Гадаад харилцаа хамтын ажиллагаа эрхэлсэн дэд захирал А.Галтбаяр, МКС-ийн захирал Л.Алтангэрэл, гавьяат багш Ц.Дашдорж, гавьяат багш Хандсүрэн, профессор У.Цэрэн, профессор Я.Базарсад, МУГавьяат дасгалжуулагч ОУ-ын мастер П.Жигжидсүрэн, Улсын Их хурлын тамгын газрын мэргэжилтэн Г.Чулуун болон  МУИС-ийн ЭЗС-ийн багш оюутнууд хүрэлцэн ирж шинэхэн номтой танилцан, зохиогчийн өөрийн гарын үсэгтэй номын дээжийг хүртлээ.

МУИС-ийг төгсөгч, багш судлаачдын багаас МУИС-ийн 70 жилийн ойд зориулан хэвлүүлсэн “XVII зууны Монголын түүхэн сурвалжийн тулгуур эхүүд” 5 боть бүтээлийнхээ дээжийг номын санд бэлэглэлээ. Профессор Ш.Чоймаагийн санаачлан удирдсан эл таван боть эх бичгийн иж бүрэн судалгаанд МУИС-ийн МХСС-ийн багш, доктор М.Баярсайхан, доктор Д.Заяабаатар, ШУА-ын Түүхийн хүрээлэнгийн захирал С.Чулуун нарын МУИС-ийг төгсөгч эрдэмтэд оролцжээ.

МУИС-ийн номын сангийн электрон каталоги нь интернэт хаягтай боллоо. Эрхэм уншигч та http://catalog.num.edu.mn хаягаар хандан МУИС-ийн төв номын сан болон салбар сургуулиудын ОБДСТ-ийн электрон каталогиос хайлт хийх боломжтой боллоо.